Orqa miya inson skeletining asosiy tayanchi bo‘lib, yurish-turish, harakatlanish va ichki a’zolarning normal faoliyatini ta’minlaydi. Shu sababli orqa miyada og‘riq paydo bo‘lishi kundalik hayot sifatiga sezilarli ta’sir qiladi. Ar-roziy klinikasi shifokorlari ta’kidlashicha, og‘riqni vaqtincha dorilar bilan bosish emas, balki uning asl sababini topish va davolash muhimdir.

1. Mushak va paylarning zo‘riqishi

• Uzoq vaqt davomida bir xil holatda o‘tirish yoki og‘ir yuk ko‘tarish natijasida yuzaga keladi.

• Sport bilan noto‘g‘ri shug‘ullanish ham orqa miyada taranglik keltiradi.

2. Umurtqa kasalliklari

• Osteoxondroz — orqa pog‘onasidagi suyak va tog‘ay to‘qimalarining yemirilishi.

• Disk churrasi — umurtqalar orasidagi diskning siljishi yoki yorilishi.

• Skolioz va kifoz — umurtqa pog‘onasining qiyshayishi.

3. Surunkali kasalliklar

• Buyrak kasalliklari (masalan, tosh, yallig‘lanish) bel va orqa sohada og‘riq beradi.

• Ayollarda ginekologik, erkaklarda urologik kasalliklar ham shu sohada og‘riq keltirishi mumkin.

4. Travmalar

• Avtohalokat, yiqilish yoki sport jarohatlari orqa miya va umurtqa pog‘onasida uzoq davom etadigan og‘riqlarga sabab bo‘ladi.

5. Stress va ruhiy bosim

• Stressli vaziyatlarda mushaklar qisqarib, orqa sohada doimiy taranglik hosil qiladi.

• Bu ko‘pincha psixosomatik bel og‘rig‘i sifatida namoyon bo‘ladi.

Ar-roziy klinikasidan tavsiyalar:

• To‘g‘ri holatda o‘tirish va yotishga odatlaning

• Har kuni yengil jismoniy mashqlar bajaring

• Og‘ir yukni noto‘g‘ri ko‘tarmang

• Stressni kamaytirishga harakat qiling

• Og‘riq uzoq davom etsa, shifokorga murojaat qiling

Orqa miya og‘rig‘i — oddiy holat emas. Uzoq davom etgan og‘riqlarni e’tiborsiz qoldirish kelajakda jiddiy asoratlar, hatto nogironlikka ham olib kelishi mumkin. Shuning uchun vaqtida shifokor maslahatiga murojaat qilish muhim.