Qonda gemoglobin miqdori yetarli bo‘lmaganda, inson tez charchaydi, bosh aylanishi, holsizlik, rangparlik paydo bo‘ladi. Bunga asosan temir tanqisligi sabab bo‘ladi. Ar-roziy klinikasi shifokorlari ta’kidlaydiki, uy sharoitida oddiy ovqatlanish va sog‘lom odatlar yordamida qon miqdorini ko‘paytirish mumkin, lekin bu shifokor maslahatini to‘liq almashtirmaydi.

1. Temirga boy mahsulotlarni iste’mol qilish

Go‘sht: mol go‘shti, qo‘y go‘shti, jigar — gem temirning eng yaxshi manbai.
Baliq va dengiz mahsulotlari: ayniqsa sardina, losos, midiya.
Sabzavotlar: ismaloq, karam, brokkoli, petrushka.
Mevalar: anor, olcha, qulupnay, quritilgan o‘rik va mayiz.

2. C vitamini bilan birga iste’mol qilish

C vitamini temirning so‘rilishini 2 baravar oshiradi. Masalan, go‘sht yoki ismaloq iste’mol qilganda ustiga limon sharbati qo‘shish foydali.

3. Qon ko'paytiruvchi sharbatlar
- Anor sharbati
- Sabzi va lavlagi sharbati
- Olma va apelsin aralashmasi
Bu sharbatlarni yangi siqilgan holda, ovqatdan oldin yoki keyin ichish tavsiya qilinadi.
4. Qon ko‘paytiruvchi tabiiy aralashma
- 200 g quritilgan o‘rik
- 200 g mayiz
- 200 g yong‘oq
- 200 g asal
Bularni blenderdan o‘tkazib, har kuni 1 osh qoshiqdan iste’mol qiling.

5. Zararli odatlardan voz kechish
- Chekish va spirtli ichimliklar gemoglobin miqdorini pasaytiradi.
- Ko‘p miqdorda qahva yoki qora choy ichish temir so‘rilishini sekinlashtiradi.

Eslatma:
Agar gemoglobin juda past bo‘lsa yoki anemiya alomatlari kuchli bo‘lsa, uy sharoitidagi usullar yetarli bo‘lmasligi mumkin. Bunday holatda shifokor ko‘rigidan o‘tish va laborator tekshiruvlar shart.